VOKALÇILARIN BÜLBÜL adına VIII BEYNƏLXALQ MÜSABİQƏSİ

       Dahi müğənninin 125 illiyinə həsr olunur

Azərbaycan Respublikası, Bakı və Şuşa şəhərləri

16 - 23 iyun 2022-ci il

Müsabiqənin keçirilmə yeri: Azərbaycan Dövlət Akademik Filarmoniyası

Ünvan: Azərbaycan Respublikası, Bakı şəhəri 1001, İstiqlaliyyət küçəsi 10

Ərizələrin sayı çox olduğuna görə 18 May saat 00:00-dan etibarən ərizələr qəbul edilməyəcək. 

  • Qran-Pri    ($ 10.000)

  •  I mükafat  ($ 7.500)

  • II mükafat  ($ 5.000)

  • III mükafat ($ 3.000)

Xüsusi mükafatlar:

  • "Ən yaxşı tenor" ($ 1.000)

  • Bülbülün repertuarından Azərbaycan bəstəkarlarının əsərlərinin müsabiqədə ən yaxşı ifasına görə” ($ 1.000)

  • “Ümid mükafatı” (xüsusi mükafat)

  • “İtalyan ariyasının ən yaxşı ifasına görə” (xüsusi mükafat)    

MÜSABIQƏNIN KEÇIRILMƏSI ŞƏRTLƏRI

Müsabiqəyə 18 - 35 yaş (daxil olmaqla) arası iştirakçılar buraxılır.

Müsabiqədə aşağıdakı şəxslər iştirak edə bilərlər:

Opera müğənniləri, məzunlar, orta və ali musiqi təhsili müəssisələrinin (məsələn, musiqi məktəbi, musiqi kolleci, musiqi akademiyası, musiqi institutu, xor ali məktəbi, musiqi təhsili bölmələri olan ali məktəblər, magistratura və aspirantura) tələbələri

Seçmə mərhələsi

iştirakçılar tərəfindən göndərilən video yazılar əsasında həyata keçirilir (15 may 2022-ci il tarixinə qədər).

I tur

Opera, kantata və ya oratoriyadan (iştirakçının seçimi əsasında) ariya

II tur

Operadan ariya (iştirakçının seçimi əsasında)

Aşağıdakı siyahıdan seçilməklə, Bülbülün repertuarından Azərbaycan bəstəkarlarının əsərlərinin ifası:

  • Üzeyir Hacıbəyov, "Sənsiz" (Nizami Gəncəvinin sözlərinə)

  • Üzeyir Hacıbəyov, "Sevgili canan" (Nizami Gəncəvinin sözlərinə)

  • Asəf Zeynallı, "Ölkəm" (Cəfər Cabbarlının sözlərinə)

  • Fikrət Əmirov, "Ulduz" (Məmməd Rahimin sözlərinə)

Notları müsabiqənin internet səhifəsindən yükləmək olar.

İştirakçının səs tipindən asılı olaraq, müxtəlif tonallıqlarda ifaya icazə verilir. İfalar (orijinal dildə) Azərbaycan dilində olmalıdır.

III tur

(simfonik orkestrin müşayiəti ilə)

İştirakçı dünya opera repertuarından istənilən 3 ariyanı hazırlamalı və göndərməlidir. Münsiflər heyəti ifa üçün təklif olunan siyahıdan 2 ariya seçir.

Müsabiqə iştirakçılarının diqqətinə!

Hər bir əsər yalnız bir dəfə ifa oluna bilər. Bütün ariyalar orijinal dildə, orijinal açarda olmalı və əzbərdən ifa olunmalıdır.

Əsərlərin dəyişdirilməsinə icazə verilmir (xüsusi hallarda, Təşkilat Komitəsinin qərarı ilə dəyişdirilə bilər).

Konsertmeysterlər Təşkilat Komitəsi tərəfindən əlavə ödəniş olmadan təqdim edilir. Müsabiqə iştirakçısı müsabiqədə öz konsertmeysteri ilə çıxış etmək istəyirsə, onun işi və Bakı şəhərində olması ilə bağlı bütün xərclər iştirakçı tərəfindən ödənilir.

QEYD:

Müsabiqənin I və II turunda çıxışlar fortepiano ilə müşayiət olunur. Bütün əsərlər yarış iştirakçıları tərəfindən digər turlarda təkrarlanmamaqla, mütləq əzbərdən və orijinal dildə ifa olunur.

MÜRACİƏT QAYDASI:

Müsabiqədə iştirak etmək üçün aşağıdakı materiallar göndərilməlidir:

  • Elektron ərizə (saytda doldurulur) və ona əlavə olunan aşağıdakı sənədlər:

  • Pasport

  • İki dildə (rus və  ingilis dillərində) CV – tərcümeyi-hal fotoşəkillə birlikdə.

  • Video (Youtube-a yüklənmiş və 2020-ci ildən gec olmamaqla qeydə alınmış 2 ariyaya keçidlər)

Video-yazılar əsasında həyata keçirilən seçim turundan sonra müsabiqədə iştirak etmək üçün müraciət edən bütün şəxslərin elektron poçt ünvanlarına iştirakla bağlı təsdiq və ya imtina məktubu göndərilir. I mərhələyə buraxılan namizədlərə təşkilatçılar tərəfindən (elektron poçt vasitəsilə) dəvət göndəriləcəkdir.

Müsabiqədə iştirak etmək üçün dəvət Azərbaycanda müəyyən olunmuş bütün antikovid qaydalarına əməl etməklə, viza almaq hüququnu verir (MDB ölkələri vətəndaşları üçün viza tələb olunmur).

Müsabiqədə iştirak etmək məqsədilə Bakı şəhərinə gəliş müsabiqə iştirakçılarının öz hesabınadır.

Təşkilat Komitəsi 3-cü tura keçən iştirakçıların mehmanxanada yaşayış xərclərini ödəyir.

Bu müddətə qədər iştirakçı Bakıda yaşayış xərclərini müstəqil qaydada ödəyir.

Bakı-Şuşa-Bakı marşrutu üzrə gediş və dönüş, Şuşa şəhərində yaşayış və qida xərcləri Təşkilat Komitəsi tərəfindən ödənilir.

Mükafatların və diplomların verilməsi hər bir namizəd üçün münsiflər heyəti üzvlərinin səsverməsi ilə həyata keçirilir.

Münsiflər heyətinin öz mülahizəsi ilə aşağıdakılara hüququ vardır:

  • "Qran-Pri" də daxil olmaqla, mükafatların hər hansı birini təqdim etməmək;

  • Mükafatların ("Qran-Pri" istisna olmaqla) iştirakçılar arasında mükafatların sayı həddində bölüşdürülməsi

Münsiflər heyətinin iclasları qapalı keçirilir, qərarlar protokolla rəsmiləşdirilir, yekun hesab olunur və yenidən baxılmır. İştirakçılar Təşkilat Komitəsinə müsabiqənin radio və televiziya vasitəsilə yayımlanması, audio və video yazıların aparılması və daha sonra onlara qonorar ödənilmədən yayılması hüququ verir, həmçinin Təşkilat Komitəsinə reklam məhsullarının istehsalında onların fotoşəkillərindən istifadə olunmasına icazə verir və müsabiqə ilə bağlı adlarının istifadə olunmasına razılıq verirlər.  Müsabiqənin bütün mərhələləri müəyyən edilmiş qaydada akkreditə edilmiş kütləvi informasiya vasitələri tərəfindən işıqlandırılır. Müsabiqənin planı və reqlamenti Təşkilat Komitəsi tərəfindən təsdiq edilir və bütün iştirakçılar üçün məcburidir. Müsabiqədə iştirak etmək üçün müraciət ünvanlanması bu şərtləri tam və qeyd-şərtsiz qəbul etmək deməkdir. Bütün fors-major vəziyyətlər Təşkilat Komitəsi tərəfindən fərdi qaydada nəzərdən keçirilir.

Müsabiqə Azərbaycan Respublikasının Mədəniyyət Nazirliyi və Bülbül Fondunun dəstəyi ilə keçirilir.

Müsabiqənin rəhbəri: Azərbaycan Respublikasının Xalq artisti, professor Polad Bülbüloğlu

Müsabiqənin direktoru: Selivanova Anna Nikolayevna, Tel: +79295798640, email: byulbyulcompetition@gmail.com

Rusiya Federasiyasında əlaqələndirici şəxs: Rıbinski Nikolay Georgiyeviç (Moskva) Tel: +79031400982, email: n3772308@yandex.ru

Bakıda əlaqələndirici şəxs: Əsədova Səbinə Tel: +994507430862, email: sabina_asadova@mail.ru

Telelefon: +994 (12) 493 1716
Sosial şəbəkələr:

facebook kontakt