Görkəmli Azərbaycan müğənnisi, musiqişünas-alim və ictimai xadim, SSRİ xalq artisti, professor Bülbülün anadan olmasının 100 illiyinə həsr edilən birinci müsabiqə 1997-ci il 19 noyabr – 1 dekabr tarixində Bakı şəhərində keçirilmişdir.
Müsabiqədə Azərbaycan, Gürcüstan, İran, Qazaxıstan, Rusiya Federasiyası, Türkiyə, Özbəkistan, Ukrayna və Cənubi Koreyadan 68 vokalçı iştirak etmişdir.
Müsabiqənin Təşkilat Komitəsinin sədri Azərbaycan Respublikasının Mədəniyyət Naziri, xalq artisti, professor Polad Bülbüloğlu olmuşdur.